काळाचा वेग
$hail
8/9/20261 min read
काळाचा वेग
समोरच्या पेनेल वरचे सर्व मीटर बदलले
पण तो काही बदलला नाही
मी वेग आयुष्याचा वाढवला
म्हणून तो काही वेगात पळाला नाही
अन मी मंदावलो
म्हणून तो काही सावकाश झाला नाही
आयुष्याची सर्व चक्र बदलली
पण तो काही बदलला नाही
आतुरतेने तिची वाट पाहत होतो
म्हणून तो काही पुढे सरकला नाही
अन ती निघाली
म्हणून तो काही क्षणभर थांबला नाही
प्रेयेसी ते बायको हा बदल झाला
पण तो काही बदलला नाही
भीषण सुनामी नंतर सर्व जग धपापले
म्हणून तो काही थबकला नाही
अन पार्लमेंट मध्ये आम्ही अख्खं अधिवेशन घालवलं
म्हणून तो काही धावला नाही
हिरोशिमा ते सुनामी नंतरचा जपान बदलला
पण तो काही बदलला नाही
शैल / $hail
